Bēru tradīcijas
Kategorijas: Svētki un tradīcijas, Olga Zepa
Agruok, kai tik nūmyra, sataisie škierstu, tod paaicynova, vot, kas dzīdava, tod dzīdava, līkūt škierstā, e, dzīdova taidu dzīsmu, es zyn, ka veļ vacajos gruomotuos tagad ira „Liksim mes tū mīsu grobā”.
Intervētāja: Da šam nav sazaglobovusīs?
Ziņ, vacvacajuos gruomotuos nūteikti ir taida dzīsme, ja „Liksim mes tū mīsu grobā”. Nu, vot, tur puotareņu kuodu nūskaita, nūskaitieja tamā dīnā jau bie, pyrmajā dīnā jau bie satārpts tys i vot lyka škierstā, i vot itū dzīsmu dzīdova, tys veļ bie pi mamys es, ka... jā, jā. Tod jau, bet myus dzeraunī guoja – mama guoja iz bērem i mums, bārnus, vede leidza. Tur cīš guoja. Tur , es nazyn’ cik, pa četrudesmit gobolu guo bērēs dzīduot, ta kai tagad, vot, četri pīci aizīt i dzīt. Agruok vacuos salmis dzīdova, i šytū – pasaļmeitis tuos, i nešperu, i vysa kū, agruok bie pa četrys pīcys stuņdis, dzīdova. Nu tagad nu jaunūs gruomotu – jau pa treis stundis nūdzīduot, jā, jā. Nu, vot, vokorā saļmys dzīdava, agruok jau vokorā vysot dzīdava. Vokorā jau saīt pa tymsu, par tū, ka daudz dorba bie juostruodoi, jā, par dīnu nabie kot dzīduot. Dzīdova, vysa dzerauņa saguo, rodi brauce, tagad jau rodi nabrauc, ka jau tik ūtrā dīnā, ka atbrauc, ka globoi, nu vot. A tagad jau eisuokai vyss jau, tagad puorguojom mes, ka mes dīnā dzīžam, vokorā nadzīžam, a dīnā – īprīkš dīnā dzīžam. Nu vot, nūdzīžam dzīsmenis, pīmāruotys bērem, i saļmys nūdzīžam, i ūtrā dīnā jau rūžukrūni nūskaitom i krystaceli. Jā, jā.
Intervētāja: Na pyrms pošys globuošonys?
Na pyrms pošys globuošonys, nu tai puorsvorā jau misi tur iz kopim.
Intervētāja: I pīpaleidzūt dzīduotuojim miša laikā?
Jā, jā... Tagad jau mozuok dzīduotuoju ira.
Intervētāja: A, cik godus jau esit, kai bēru dzīduotuoja, kū prosa?
Es kai, var saciet, es kai tyku Prīkuļūs.
Intervētāja: I tys ir, cik godi?
Es apsaprecējūs pīcdesmit sastajā godā, i pīdesmit septeitā, var saciet, es tai vot suoku, i šytū te. Pauleite šekur dzīdova, Vera, i, vot, es nikur navarieju sprukt, jēme leidza, par cik es nu bierneibys zynavu tuos dzīsmys, lai es paprīkš, bet zynuot es zynavu juos.
Intervētāja: I tagad tys ir īsaguojs.
I tuo, vot, īsaguojs, jā, bet tagad, var saceit, ka jir jau paleigi, jir, bet tai vot, ka, jā, ka kurs suokt nu vīna gola da ūtram...
Intervētāja: Vysi pasaļaun iz tevis.
Jā, pasaļaun, spāki ir izseikuši, jā. Juo agruok, tagad jau, redz, naīt tai kilometrim da kopim. Agruok tak guoja kuojom vai tur beja snīgs voi leits, bet guoja kuojom i vysu laiku dzīdova. Tagad, ka dzīd, tod mašynā dzīd, vot, tur i litaneju voi kū. Vot, tys gon bie gryuts, i, vot, ar tū jau i bolss nav tuoda vairs, i vysaidūs nagaisūs tyka dzīduots.
Fotogrāfijas
Audio ieraksts
Pētnieks: Mg.philol. Inguna Teilāne, Daugavpils Universitāte
