Talkas
Kategorijas: Svētki un tradīcijas, Marija Brinke
Asu dzymuse Rudzātūs, Rudzātu pogostā, ... bejom četrys muosys, mama, tāvs, i tot skūlā muociejamīs Rudzātūs. Kilometris bie da skūlai tikai mums nu muojom.
Nu, i tod, vot, tolku nikuodu mes nataisiem, sīna tolkys – poši viņ paveicem sovim spākim. Kaimini mums bie ļūti lobi, myusu apkuortne skaitejuos centris, mes biem divpadsmit kaimini kūpā, bejom draudzeigi. Sīna tolkuos tur jau daži atguo paleigā i napraseiti. Nu, māslu tolkys tod jau taisiejom rikteigys. Mama bryuvēja olu, tāvs nasamaisejuos pi ola.
Intervētāja: Kur tik interesantai, ka muote...
Jā, jai ļūti lobs ols beja, vot, mīžu teirūs. Nu, tod jau māslu tolkuos, tur jau zirgi bie juovodoi. Kaimiņu puiši paleidzē zyrgus voduot. Kaimini visi saguoja, izvedem māslus, a šituos kaimineicys otkon uordie, dzīsmys dzīduoja. Aiznas mama olu, peirāgus, sīru iz teirumu, i juos dzīduodamys izuordie māslus, piec tam apora.
Intervētāja: Ka braucet nu teiruma, nu māslu tolkā, sasaskrējot sovā storpā?
Jā, ar zirgim, i kurs uotruok, i kurs vairuok vazumu izvess, tam tur vokorā jau bie...
Intervētāja: Apbolvuošona?
...bie kampetys veļ, koč kū deve tuodu. Vot, i tot tur i mamu vede klāvā, ka izmieze māslus, ar ņuotrom nūpēre, lai...
Intervētāja: Kū nūzeimei ņuotru pieršona?
Lai, lai byutu labi ar lūpim, ar vysu. Vot, tuo.
Fotogrāfijas
Audio ieraksts
Pētnieks: Mg.philol. Inguna Teilāne, Daugavpils Universitāte
