Kara laiks
Kategorijas: Kara beigas, Marija Brinke
Kara laikā ari mums bie ļūti gryuts, myus nu sātys izsyutie pavysam, pascie, ka, nu, vyspuori ari beja tuo, ka mes izbraucem naktī nu sātys, i bie ustobā bumba īsvīsta caur ustobys suonu, tur jau mama ar tāvu byutu baigti bejuš drūši vin, škombys beja pylna gulta jūs. I, kod mes aizbraucem kuodi septeni kilometri nu sātys, i tur mes vīnu nakti puorguļām, bet mes tykom taišni pošā ugunī, tod braucem iz cytu vītu. Bie mums paslāptys zam greidys tur drēbis, mamys pyurs i tod, ka aizbraucem iz cytu vītu, iz ūtru pusi, tur jau mīreiguok bie. Tik vīneigi tur zyrgu vīnu atjēme, tāvam bie treis zirgi, i palyka mums diu zirgi, tod veļ vīnu tuodu zyrgu ar vīnu aci īdeve... nu, vot, i...
Intervētāja: Kurā godā tys bie?
Čēesmit, kuo kars bie... Rudinī tys bie, nu, man līkās, ka rudinī, a jau aizamiersīs. Nu, vot, i tod atbrauce tāvs iz sātu, myus sātā bie vuocīši, dzeivuoja, mums bie vīna cyuka atstuota sātā, nanūvedem, tī baruoja. I tod, kod tāvs atguoja iz sātu, tod jam prosūt, kas tu esi tuods, a jis soks, ka šis asūt saiminīks.Tod jī sokūt, a cik šymā sātā saiminīku asūt? I tot tāvs īīt ustobā, ka greida izplāsta, kur bie tei luode ar drēbem ībuozta.
Intervētāja: Izzogta?
Izzogta, jā, tuos nabie vairuok, bie mamai goldauti, deči, cimdi, nu vyss bie tur. A mes nikuo leidza cīš navarēm pajimt par tū, ka, nu...
Intervētāja: Nu, navarē ar rūkom aiznest.
Nā, nu, mes ar zyrgu braucem, zyrgā jau bie pīkrauts rotūs, vot, tuo...
Intervētāja: Nu, bet labi, ka jums bie īspieja, ka jius naizvede...
Izvešonā, tod jau ari mes biem, mama aizsyutie, nu tod, skaitejuos škūtīs, mamu aizsyutie, vīnu reitu pascie, ka jai agri juobrauc škūtīs. Mama sajiudze zyrgu i brauce, tagad, vot, i pasoka, vot, tūs i tūs, tur dažus kaimiņus aizvede. I tod, i šytū, jau mama izvoduo vysus, a mes nikuo nazynuom, ka izvešona byus. I mama jau izvoduo tūs pa cylvākim, kurūs vede prūjom, tur caur myus sātu vede, tī rauduo visi, i tod mama soka, nu, kū, maņ jau vyss, a tod pasoka, ka, vot, šitū gimeni vajag vest, mums beja Jauja uzvuords, Jauju gimene juovad. Mama... Vipingā bie pasciets, nā, šitei gimene lai palīk. Tuo, ka myus iz Sibireju nanūvede, tikom sveikā.
Fotogrāfijas
Audio ieraksts
Pētnieks: Mg.philol. Inguna Teilāne, Daugavpils Universitāte
