Kategorijas: Svētki un tradīcijas, Lidija Ignatāne

Zinit, es jums pasciešu kuo – Reigā vysa Latgale. Bet man kas vairuok tracynoi, ka aizbrauc da Reigai i suoc runuot latvīšu volūdā, i man vysot truopuos, ka tev atbiļd krīvu volūdā. A kas beja, kuo es pastuosteišu. Vot tas man beja, kanešna, man atruodova obi dāli Reigā, tys beja pīci voi seši godi tam atpakaļ. Es aizbraucu da jim cīmā. Nu jī mani vess Reigā kaut kuodā kafeijneiceņā tuodā, vokorā īveda, kuodi tikai seši voi septeini galdeni, dzeivyo muzyka vysa. Nu i mes siežom, acapyušamīs, nu interesanti, ar vīnu dālu es padoncoju, ar ūtru. Nu, ka moza kafejneiceņa pavysam feini. Nu jau biški visi īdzāruši, tuo visi kas kur doncoi kotrs galdeņš, ite vijole, akordeons, jonika, i barabani. A vacuokais dāls – Renārs, tys soka, daguo da bārmena, jam pazeistams bārmens, jis soka, man cīmeni atbrauce, mama atbrauce nu Dauguopiļs, jis soka, tu ai muzyku aizsok, a jis man beja puorsteigums, man pat osorys tecā. Ite dzieržu, muzykants soka, a tagad – latgalīšu volūdā, a tagad byus dzīsma myusu cīmeņai nu Daugovpils, nu zylajim azarim, nu Latgalis, dāli aizsoka, voi, man tagad šārmuli īt, dzīsmi. Jezus! Man obi dāli paceļ rūkys i doncuot sauc. I suok dzīduot „Zīdi, zīdi, rudzu vuorpa”. Man kuojis palyka steivys. Jius zinit, visi palyka māmi, tī septeni gaļdeni, a tūraiz visi suoka dzīduot latgalīšu volūdā i visi ļadis (plaukstas) suoka sist. Es saprotu, ka visi latgalīši , bet par kū jī gryb sevi iztaisiet, latgaļu volūdu tū nycynuot, es nazynu. Veļ es gadejumu pastuostiešu.

Fotogrāfijas

Lejuplādēt

Pētnieks: Mg.philol. Inguna Teilāne, Daugavpils Universitāte