Kristības
Kategorijas: Svētki un tradīcijas, Antonija Vilcane
Teicēja: Nu, krystobys ar bie tuoda, tuodi leli svātki. Mozu bierneni nūkristiet, lai jis byutu ticeigs. Man pošai ir septeni krystabārni, asu kristiejusi i leluoks, i mozuoks, vīns caturtā klasī guo krystabārns, ka kristie. Nu, agruok ari tuopat krystabys dzēre, brauce iz bazneicu ar zyrgu, vede kristeit bārnu, atpakaļ brauce, i navarie cyta nikuo jemt cylvāku, lai byutu tikai kyumys rotūs, ka brauce voi lineikā iz bazneicu, ka brauce i nu bazneicys, lai byutu tikia kyumys i mozeņais... A krystabys kuo kurš, kuo kurš varē sasagataviet i vairuok, i vairuokys dīnys dzēre, i vīnu vokoru, i vīnu dīnu tik dzēre.. tuodys krystabys bie tuodys. Mozeņam laimi vēlē visi.
Intervētāja: Vuordu kai izavēlē?
Teicēja: Nu, vuordu jau vinmār vacuoki izavēlējās. I bie tuodi, ka izavēlē vacuoki, a poša tuo beju kyumuos lyugta ar krysttāvu kaimiņu veirīti, muojuos gribē tuodu vuordu, a bazneickungs nakristē tuodu vuordu. Īdeve svātū gruomotu, tur saraksteiti visi vuordi, vot, nu tuos svātuos gruomotys vaidzie izavēlēt vuordu.
Intervētāja: Navys kaidu pots gribē, bet kaidu bazneickungs...
Jā, kuodu jeb divi, jeb vaidzē divi, vīnu tuodu, nu, ticeigū vuordu, nu bazneicys, a ūtru varē likt tuodu, kas jau nu kalindara vuordu.
Fotogrāfijas
Audio ieraksts
Pētnieks: Mg.philol. Inguna Teilāne, Daugavpils Universitāte
